NEWS TAWI

US President rawn zin avanga venhimna khauh taka kalpui a nih mek lai leh, Donald Trump-an Delhi a thlen hma lawkin  Delhi khawchhak lamah Citizenship Amendment Act (CAA) dodaltute leh thlawptute inkarah buaina nasa tak a chhuak. 

Gokulpuri-a buaina chhuakah Delhi police head constable pakhat  a thi a, police dang eng emaw zatin hliam an tuar bawk. Bhajanpur area-ah petrol pump hal a ni bawk a, petrol pump bulah motor-te an hal tel bawk. 

Buaina chhuahna hmun hi Bhajanpura, Maujpur leh Jaffarbad-ah a ni a, motor leh dawrte hal an nih bakah, pawl hnihte chu lungin an intawng nasa hle bawk. Police-te chuan buaina chhuak thunun tumin mipui pungkhawmte hnawhdarh nan tear gas an hmang a ni.

Delhi chief minister Arvind Kejriwal chuan CAA vanga buaina chhuak chungchang hi a twitter-ah tarlang nghalin, union home minister Amit Shah chu khawpui chhunga dan leh thupek kenkawh a nih theihna tura hma la turin a nawr. Hemi hnu lawk hian Delhi Lieutenant Governor Anil Baijal chuan Delhi Police leh Commissioner of Police hnenah buaina chhuahna bialah boruak ṭha a awm theihna tura hma la tura a hriattir nghal thu a sawi. 

Montera stadium-a hun an hman zawhah, US President-te nupa hian nimin tlai Taj Mahal tlawh turin Agra an pan leh nghal. Taj Mahal-ah hian darkar khat vel hun an hman hnuah Delhi an pan leh a ni.

 

Trump-te nupa hi Agra Airport-ah Uttar Pradesh chief minister Yogi Adityanath leh Governor Anandiben Patel ten an lo hmuak a, airport aṭanga Taj Majal inkar kawngpuiah zirlai 25,000 vel zet chu intlarin, India leh US flag kengin President Trump hi an lo la lawm. 

Vawiin hian Delhi-ah PM Modi leh President Trump te hi inbiain, ram pahnihte thawhdunna tur inremna te an ziak dawn a ni.