Punjab cabinet aṭangin Navjot Singh Sidhu a bâng

Congress leader Navjot Singh Sidhu chuan, nimin khan Punjab chief  minister Amarinder Singh kaihhruai sorkara cabinet minister a nihna aṭanga a ban thu a sawi. 

Navjot Singh Sidhu hi BJP hruaitu hlui a ni a, kum 2017 Punjab assembly inthlan neih dawn khan Congress a zawm a, Congress sorkarah cabinet member-ah dah a ni nghal. Mahse CM Singh nen hun eng emaw chen aṭang khan an inkar boruak a ṭha lo chho hle. 

June 6-a Chief Minister-in cabinet a siksawi khan power ministry chang tura dah a ni a, mahse Singh hian a zawm duh lo a ni. Sidhu hian nimin khan cabinet aṭanga a ban thu hi twitter-ah a sawi a; June 10-a Congress president Rahul Gandhi hnena banna a thehluh thu a tarlang tel. Chief minister hnenah pawh banna lehkha hi a thehlut dawn tih a sawi bawk. 

Hetihlai hian Punjab Chief Minister Office chuan Sidhu banna lehkha hi an la dawng lo tih an sawi.