Congress-in Karnataka MLA meeting ko

Karnataka chief minister hlui leh Congress hruaitu ni bawk Siddaramaiah chuan vawiin hian MLA-te awm khawmna Bengaluru-a luxury hotel Taj Vivanta-ah meeting a ko.

Meeting hi zing dar 9 aṭanga ṭan tur a ni a, hotel-ah hian Congress MLA 50 vel chu an awm mek nia rin a ni. Siddaramaiah hi Congress legislature party leader a ni a, Inrinni khan minister MTB Nagaraj chuan Congress a chhuahsan dawn loh thu a sawi hnuah meeting hi a ko. Hetihlai hian MLA hel dangte chuan Mumbai an la chhuahsan duh lo thung. 

Kar hmasa lama banna thehluttu Nagaraj hian a rilru a thlak leh nia rin a ni a, thuthar thehdarhtuten an kawmnaah a banna thehluh chungchang chu a ngaihtuah ṭhat leh tur thu leh, MLA dang K Sudhakar pawh a banna chungchang ngaihtuah ṭha leh tura thurawn a pek dawn thu a sawi. 

Chief Minister H D Kuma­raswamy chuan MLA 16 an ban hnuah an sorkar chu fiah a ngam thu sawi mah se, independent minister dinmun pek thar pahnih-te chuan an ban thu an sawi leh tawh a, BJP lam an thlawp leh tawh nia sawi a ni.

Karnataka Assembly House-ah hian member 224 an awm a, sorkar lai hian member 116 an nei a, BJP lamin MLA 105 an nei a, independent MLA pahnihin an thlawp bawk. MLA 16 bang tate banna hi an pawm chuan sorkar lai hian seat 100 chiah an nei thei dawn a ni.