Mukul Roy-a'n MLA 107-in BJP an zawm dawn tih a sawi

Bharatiya Janata Party (BJP) senior leader Mukul Roy chuan West Bengal-a party dang MLA 107 velin BJP an zawm thuai dawn tih a sawi.

Mukul Roy chuan BJP zawm tum MLA zinga a tam ber hi West Bengal-a rorel lai Trinamool Cong­ress (TMC) MLA an ni tih a sawi a, Congress leh CPM MLA-te an tel bawk tih a sawi. 

Inrinni-a Kolkata-a thuthar thehdarhtute a kawmnaah, Roy chuan state leh district level-ah mi tam takin Mamata Banerjee kaihhruai sorkar chu an ring ngam tawh loin an ning tawh hle tih Roy chuan a sawi. "MLA 107 velin min rawn be pawp mek a, BJP zawm thuai hi an chak tawh a ni," tiin a sawi. 

Lok Sabha inthlan result puan a nih hnuah TMC MLA paruk, Congress leh CPM MLA pakhat ve ve chuan BJP hi an zawm tawh. 

Roy pawh hi TMC member ṭhin a ni a, kum 2017 khan TMC hotu lu ber Banerjee nen an ngaihdan inmil loh avangin an party chhuahsanin BJP hi a zawm a ni.