Health care centre 40,000 siam belh tum

Kum 2019-20 chhungin ram chhung hmun hrang hrangah Ayushman health-care centre 40,000 siam belh tum a nih thu union health minister Harsh Vardhan chuan a sawi.  

Minister Harsh Var­dhan chuan primary health care atan Ayushman Bha­rat Health and Wellness Centre 19,000 chuang India ramah siam a nih tawh thu a sawi. Ayushman Bharat Health and Wellness Cen­tre hi India rama state hrang hrangten, prima­ry health care centre kal­tlanga mipuiten hriselna kawnga hma an sawn theih nana hma la tu a ni.

India rama damdawi-in tam takte chu Ayushman Bharat-Pradhan Mantri Jan Arogya Yojana (AB-PMJAY) hnuaiah an awm a, tunah hian dawmdawi-in 15,000 chuang AB-PMJAY hnuaiah hian a awm a ni. AB-PMJAY hnuaia dawmdawi-inte hi state sorkar chuan puiin, ham­ṭhatna dawngtu tur mipuite chu a lo enfiah ṭhin. AB-PMJAY kalpui tur hian state leh UT 33-te chu Memorandum of Understanding (MoU) ziahpui an ni tawh tih minister chuan a sawi.