Kejriwal-a'n Gujarat-ah road show nei dawn

Delhi chief minister leh Aam Aadmi Party (AAP) national convener Arvind Kejriwal chuan Gujarat civic body inthlanah an party-in hlawhtlinna ṭha tak a neih lawmna atan, naktuk hian Surat-ah road show a nei dawn. 

Gujarat-a municipal corporation paruka inthlanah, seat 576 awmah AAP hian a ṭum khatna atan chuhin candidate 470 a nei a, Surat-ah seat 27 an la a ni. Civic body inthlanah hian a pumpuiah BJP chuan seat 483 lain, seat la hnem ber dawttu Congress chuan seat 55 chauh a la pha. 

AAP senior leader leh party thupuangtu, Saurva Bharadwaj chuan ram chhung hmun hrang hrangah AAP chuan grassroot level election-ah thlawptu a nei ṭha chho zel tih a sawi a, a hmain Maharashtra, Himachal Pradesh, Goa leh state dangah pawh hlawhtlinna a lo nei tawh a ni, a ti.

Gujarat mipui, a bikin Surat khaw mipuiten AAP model of development-a rinna an nghah ngam avanga lawmthu sawina atan, Kerjiwal hian Gujarat hi tlawhin, road show hi a nei dawn a ni.