Sorkarin farm law thar a sut loh chuan Loneituten Parliament an dang dawn : Rakesh Tikait

Loneitu pawl hruaitu, Rakesh Tikait chuan hun rei tak an lo nawr tawh, farm law thar pathumte sorkar lapuiin a sut lo a nih chuan loneitute chuan Parliament an dang dawn tih a sawi. Loneitute chu 'Delhi March' nei tura lo inring lawk turin a chah nghal bawk. 

Rajasthan-a thu a sawinaah Tikait chuan, "Tunah chuan Parliament dan a hun dawn ta a ni. A hun tur kan la puang ang, hemia tel tur hian Delhi lam panin kan kal dawn a ni. Hemi hunah hian tractor nuai li chauh ni lo, nuai 40 kan tel tawh ang," a ti. 

Tikait chuan loneitu nawrh huaihawt mekte chuan an thil phut a hlawhtlin loh chuan India Gate bula park chu thlai chinna atan an siam dawn a ni, a ti bawk. Loneitute chuan sawisel hlawh tak, farm law pathum a siam tharte chu a sut loh a, MSP a hman loh chuan company liante godown-te pawh an tihchhiatsak vek dawn tiin sorkar laipui chu an cho let tawh bawk a ni, tiin Tikait chuan a sawi.