Ayodhya buaina : SC-in mediation panel hnenah July 31 thleng hun a pe

Ayodhya ram inchuh buaina chinfel dan ngaihtuah tura Supreme Court-in a din, mediation panel chu July 31 thleng hun pek a ni a; Ram Janamboomi Babri Masjid case appeal-na pawh August 2 aṭanga ngaihtuah tura tih a ni bawk. 

Chief justice of India Ranjan Gogoi kaihhruai, judge panga awmna constitution bench chuan nimin mediation panel-in hma a lak dan report a thehluh chu zirchiangin, panel hnenah hian July 31 thleng inremna siam dan kawng zawnga stakeholder-te inbiakna neihpui chhunzawm turin a ti a ni. 

Mediation panel hi supreme court judge hlui FMI Kalifull-a'n a ho a, mahse court-a report an thehluha an thu ziahte erawh puanzar a ni lo. Panel member-ah hian spiritual guru leh Art of Living Foundation dintu Sri Ravishankar leh senior advocate Sriram Panchu-te an tel.