Zirna in bulah vaihlo leh a kaihhnawih zawrh khap a ni

Health Ministry chuan state hrang hrang hnenah zirna in bul, yard 100 chinah vaihlo leh a kaihhnawih thil dangte zawrh khap tlat turin a ti. 

Ministry hian thla hmasa khan 'Tobacco Free Educational Institution' tih thupui hmanga inkaih­hruaina an ennawnte chu state ho hnenah hian a lo thawn tawh bawk a ni. 

Official chuan zirlai-ten hriselna ṭha leh hmasawnna an neih zel theih nan hei hi tih a nih thu a sawi a, mipuite tan pawh huam chin an pelh lohna tura hriattirna dah a ṭhat thu a sawi. Zirna in aṭanga yard 100 chin, vaihlo leh a kaihhnawih zawrh khapna chinah chuan chhinchhiahna siam mai a awlsam tih a sawi bawk. He dan hi zawm lo an awm chuan hrem theih an ni ang.

India hi khawvela vaihlo leh akaihhnawih ti hnem ber dawttu a ni. Kumtinin vaihlo leh akaihhnawih vangin, India ramah mi 9,32,600 thi ziah ang a chhut a ni bawk. World Health Or­ganization (WHO) buat­saihin, kumtin May 31 apiangin World No Tobacco Day chu khawvel hmun hrang hrangah hman ṭhin a ni. He hunah hian mipuite hnenah, vaihlo leh a kaihhnawih a ṭhat loh zia hrilhhriat leh zirtir an ni ṭhin.