July 22-ah Chandrayaan-2 kap chhuak dawn

India moon mission pahnihna Chandrayaan 2 chu July 22-ah kah chhuah an tum leh dawn tih nimin khan Indian Space Re­search Organisation chuan an tarlang.

Chandrayaan 2 hi Thawhṭanni khan kah chhuah tum a ni tawh a, mahse a khawl lamah harsatna a awm tih hriat chhuah a nih avangin kah chhuah hma minute 56 la awmah an ṭhulh leh a ni. 

He mission hi a hlawhtling a nih chuan thla south pole lama mission kalpui hmasa ber a ni ang. Chandrayaan 2 hi March 2018-a kah chhuah tura tih kha ni tawh mah se ṭum li ngawt tihkhawtlai a ni tawh.