PM-in Puducherry-ah project eng emaw zat hawng

Tun hnaia Congress sorkar paihthlakna, Puducherry-ah nimin khan prime minister Narendra Modi chuan project zawhfel tawh eng emaw zat hawngin, port leh highway sector hnuaia hna thawhna tur lungphumte a phum bawk. 

PM Modi hian Satta­nathapurm-Naga­pattinam National High­way section four-lane a siamna tur te, Karaikal New Campus-a Medical College building, leh Sagarmala scheme hnuaia Minor Port tih­changtlunna tur lung­phumte a phum a, India Gandhi Sports Complex-a Synthetic Athletic Track lungphum a phum bawk a ni. 

Thawhṭanni khan Puducherry-a Congress sorkar chu thlawptu a ngah tawk loh avangin paihthlak a ni a, chief minister V Narayansamy chuan banna a thehlut nghal bawk a ni. Nara­yanasamy-a'n ban­na a thehluh tuk hian union cabinet chuan Puducherry-a President's Rule hnuaiah dah a remti nghal bawk. Assembly inthlan hi April-May velah an neih rin a ni a, hemi hma chu President's Rule hnuaiah a awm dawn a ni.