Online News leh Social Media dan thar puang

Sorkar laipui chuan nimin khan digital lam thil khuahkhirhna tur dan thar a duan chu a pharh a, news site leh OTT platform-te'n an zawm tur dan thar a tichhuak a ni.

Union IT Minister Ravi Shankar Prasad chuan social media hmangtute chu he dan thar hian a thuam chak sawt dawn tih a sawi.

The Information Technology (Guidelines for Intermediaries and Digital Media Ethics Code) Rules, 2021-ah chuan a ṭum khatna atan  sorkarin engtin nge digital news organisation, social media platform leh OTT streaming service-te a khuahkhirh dawn tih tarlan a ni bawk. 

-    Midang tihhming chhiatna, thil bawlhhlawh (zahmawh rawngkai), midang hming hliauna, chi inthliarna, hnam tlem zawkte tana pawi thei bakah inpumkhatna tichhe thei- defence, venhimna lam leh India ram thuneihna tichhe thei bakah ramdang nena inzawmna tichhe thei thil reng reng chu khap a ni.

-    Social Media site-te chuan court thupek emaw hriattir an nih emaw aṭanga darkar 36 chhungin dan phal loh thil emaw dan bawhchhiatna thil reng reng chu an paih nghal tur a ni.

-    Social media messaging site-te chuan information lo chhuahna hmasa ber an chhui thei tur a ni.

-    Dan bawhchhiatna leh cyber security lam hawi chhui a nih chuan intermediary chuan darkar 72 chhungin a bawhzuitu sorkar agency hnenah information an pe hman tur a ni.

-    Intermediary chuan complaint a dawn aṭanga darkar 24 chhungin dan phal loh thilte chu a paih tur a ni.    

-    Company-te chuan complaint lo dawnga lo nemnghettu tur leh lo chingfeltu tur grievance officer an ruat tur a ni.

-     Three-tier mechanism Code of Ethics: self-regulation; self-regulation by the self-regulating bodies; government's oversight mechanism kalpuitu tur a siam.

-    Code of Ethics bawhchhiatna emaw mipui lungawi lohna emaw thlenna tur leh bawhzuina tur online grievance portal siam tur a ni. Heta lungawi lohna thlente hi ni 15 chhungin chhanlet tur.

-    Tech giant-te chuan grievance officer an ruat a ngai bawk.

-    India-a cheng ngei Chief Compliance Officer ruat tur a ni a, chung mite chuan thla ruk danah sorkar dan an zawm a ni tih report an pe zel tur a ni.