PM-in CM-te video conference neih pui

Prime minister Narendra Modi chuan nimin khan state chief minister-te video conference a neihpui a, inkharkhipna (lockdown) a tawp hnuah sorkar laipui leh state-te'n hri darh tur venna kawnga rualkhai taka hma an lak chhoh a pawimawh thu a sawi. 

Modi chuan lockdown tawp rualin nunphung pangngai anga awm leh nghal mai chi a ni lo tih sawiin, inven dante an ngaihtuah zel a ngai a ni, a ti. Ram puma lockdown puan mek chu ngai thutak hle turin CM-te chu a ngen a, hri darh tur venna atana pawimawh social distancing pawh khuah taka kengkawh turin a chah.