Mumbai slum area-ah hri kai pahnih hmu

Mumbai slum area, Dharavi-ah Covid-19 kai mi pahnih hmuh an ni tawh a, pakhat zawk chu Nilaini khan he hri vang hian a thi. 

Dharavi hi Asia khawmualpuia slum area lian ber zinga mi a ni a, hri kai an awm tak avangin he area chhungah hian a darh chak hle rin a ni. Nilainia Dharavi-a cheng, kum 46 mi thi chu Covdi-19 vang a ni tih hriatchian a nih hnuin thuneitute chuan he area hi ah khar nghal a, mitthi chhungte pariat pawh dah hran nghal an ni. 

Nimin khan Worli area-a cheng, mahse Dharavi-a hmun tifaia thawk, kum 52 mi chuan hri a kai tih hriat belh leh a ni. Thuneitute chuan enkawl nghal a nih thu leh, a chhungte leh thawhpui mi 23-te pawh inkhung hrang nghal tura hriattir an nih thu an sawi.