Sumdawng pawlten Bharat Bandh huaihawt

The Confederation of All India Traders (CAIT) huaihawtin GST rules, fuel man sang, E-Way bill duh lohna lantirin niminah ram pum huapin bandh huaihawt a ni. 

Nimina Bharat Bandh huaihawt hi trade association, member vaibelchhe riat chuang awmna chuan an thlawp a ni. 

CAIT chuan khawpui hrang hrangah hmun 1,500-ah lungawi lohna lantirin, sumdawnna hmunte khar vek a ni tih an sawi. Sorkar laipui, state sorkar leh GST Council chu GST rules ennawn a, siamṭha turin an phut tih an sawi a, hei bakah hian E-Way bill tibo tur leh, fuel man sang zel tihniam turin sorkar an phut bawk. 

BJP kaihhruai NDA sorkar hian GST a hman hnuah kum li kalta chhung khan rules hi ṭum 950 vel dawn a siamṭhat tawh a ni.