Aero India Expo rehearsal neihnaah thlawhtheihna chesual

Vawiina Bengaluru-a Aero India Expo neih tur atana Indian Air Force (IAF) aerobatic team-in nimina enchhinna an neihah IAF thlawhtheihna, Syria Kiran Hawks pahnih chu boruakah an insu a, pilot pakhat a thi. 

Syria Kiran Hawk khalhtu pilot-te hi boruak-a an thlawhtheihna an virpui laiin chhun dar 11:50 velah Yelahanka airbase bulah an chesual a ni. Pilot pathum an awm a, an zinga pakhat chu a thi a, pahnih erawh chu thlawhtheihna aṭang hian an invawrh chhuak hman a, hliam an tuar a ni. He chetsualna thlengah hian civil mi pakhatin hliam a tuar bawk. 

International aerospace and defence exhibition, Aero India 2019 vawi 12-na hi vawiin aṭang hian Bengaluru-a Yelahanka-ah neih a ni dawn a, February 24 thleng a awh ang. Bengaluru hian kum 1996 aṭang khan he aero show hi a lo thleng tawh a, show hnuhung ber chu kum 2017 February thla khan neih a ni.