Prime Minister Modi leh Saudi Crown Prince inkawm

India ram tlawha rawn zin, Saudi Arabia Crown Prince Mohammed bin Salman leh Prime Minister Narenra Modi-te chu nimin khan New Delh-ah an inkawm a, an meeting zawh hnu hian joint press conference an nei zui nghal a ni. 

Joint press conference a neihah Saudi Crown Prince chuan firfiakte do letna kawngah India chu kawng hrang hrangah thawhpui a tiam a, ram pahnihte chuan firfiaka chetna chu an ngaihmawh dun hle tih sawiin, ṭhangtharte tan boruak ṭha zawk siam a nih theihna turin ramdangte chu an thawhpui zel dawn tih a sawi. 

Prime Minister Modi pawhin Pulwama-a firfiakte pawikhawihna thlen chungchangah Pakistan vauna thu a chhakchhuak bawk a,  Saudi Arabia leh India chuan firfiak pawlte lo humtu ramte chu na taka nawr chhunzawm zel an remti dun tih a sawi. 

Saudi Crown Prince hian Pakistan ram a tlawh hnuah Thawhlehni khan India a rawn thleng a, Prime Minister Modi hian airport-ah a lo hmuak a ni. President Ram Nath Kovind chuan Thawhlehni zan khan a Rashtrapati Bhavan-ah Saudi Crown Prince lawmna inkhawm hi a lo buatsaih sak a ni.