NHAI-in darkar 18-ah kawngpui km 25.54-a thui siam zo

National Highway Authority of India (NHAI) chuan darkar 18 chhungin Vijaypur-Solapur inkara National Highway, four lane-a siam tura single lane, km 25.54-a thui siam zoin record an siam. 

Union minister for road transport and highways Nitin Gadkar chuan NHAI-te kawngpui siam chungchang hi social media lamah tarlangin, 'Limca Book of Records' ah record a ni dawn tih a sawi a ni. 

Kawngpui siam hna thawktute lawmpuina hlanin Gadkari chuan, "He project atan hian contractual worker 500-te chuan rim takin an thawk a ni. Heng hnathawktute bakah National Highways Authority project manager, officer, contractor company aiawh leh project officer zawng zawngte thinlung takin ka lawmpui e," a ti. 

Km 110-a thui, Sola­pur-Vijayapur High­way siam hna hi thawh mek niin, kumin October thlaah chuan zawh hman tum a ni.