Rakesh Tikait-a'n state 5 tlawh dawn

Loneitu pawl hruaitu, Rakesh Tikait chuan sorkar laipui farm law siam thar duh lohna lantira loneituten nawrh an huaihawt mek thlawpah an tha tichak turin March thla chhung hian state panga tlawh kual a tum. 

Bharatiya Kisan Union (BKU) hruaitu hi vawiin aṭangin a zinchhuak dawn a, Uttarakhand, Rajasthan, Madhya Pradesh, Karnataka leh Telangana-te tlawhin, heng state-a loneitute chu meeting a neihpui dawn a ni. Uttar Pradesh-ah pawh farmers' meeting hi neih a ni dawn bawk. 

Loneitute hian farm law thar duh lohna lantirin Delhi border point pathum - Tikri, Singhu leh Ghazipur-ah nikum November tawp lam thla aṭang khan nawrh an huaihawt tawh a ni. Tikait-a hian Ghazipur-a nawrh huaihawtte hi a ho a ni. 

Sorkar laipui leh loneitu aiawhte hi inremna zawngin ṭum eng emaw zat inbe tawh mah se tun thlengin inremna an la siam thei lo. Loneitute hian farm law siam tharte hi sut vek an phut a, hetih lai sorkar lam chuan sut loin a ṭul anga siamṭhat a inhuam tih a sawi thung.