Education budget tihniam zingah India tel

World Bank report-in a tarlan danin, Covid-19 hripui a len hnuah low and lower-middle income ram zinga 65% chuan education budget an tihniam a, hetih lai hian high and upper-middle income ram zinga 33% in budget hi an tisang thung. Budget tihniam ram zingah hian India pawh a tel. 

Report chuan Covid-19 hripui lengin education budget lama nghawng a neih dan hriatna turin region hrang hrangah ram 29 aṭangin information lak khawm a ni tih a tarlang. Information an lakte hi World Bank country team-ten an enfiah leh a ni. 

Budget pum aṭanga education share, 10% aia tlem nei zingah Argentina, Brazil, Egypt, India, Myanmar, Nigeria, Pakistan leh Russia-te an tel thu report chuan a tarlang bawk. Hri pui leng avanga hun rei tak dan pangngai anga zirna kalpui theih loha a awm hnuah, school system-te him leh ṭha tak hawn chhunzawmna tura fund ṭha tak mamawh a nih laiin, ram tam takin education budget an tihniam ta zawk hi thil ṭha tak a ni lo tih a sawi bawk.