Chandrayaan-2-in thla a hnaih telh telh

Indian Space Research Organisation (ISRO)-in July 22-a an kahchhuah, Chandrayaan-2 chuan thla a hnaih telh telh a, an ruahman lawk angin orbit panga a paltlang tur zinga pahnihna chu nimin zingah khan a thleng.

Chandrayaan-2 hian August 20-ah lunar orbit  thleng tawh tura ruahman a ni. ISRO official pakhat chuan an spacecraft chu an thunun theih thu a sawi. Chandrayaan-2 hi Thawhṭannia khan Andhra Pradesh-a Satish Dhawan Space Centre aṭanga kahchhuah a ni a, ni 48 hnua 'thla' thleng hman tura ruahman a ni. Chandrayaan-2 hi thla chhim tawp lama mission kalpui hmasak ber a ni bawk.