RS sitting August 7 thleng pawtsei

Rajya Sabha chairman leh vice president ni bawk M Venkaiah Naidu chuan Rajya Sabha-a Parliament Budget session neih mek, nimina zo tur chu August 7 thleng neih chhunzawm a nih tur thu a sawi. Venkaiah Naidu chuan sorkar hna pawimawhte thawh zawh fel phawt a nih theihna turin session chu pawhsei a ni tih a sawi bawk.

Rajya Sabha sitting pawhsei a nih thu sawilan a nih hnu hian minister of state for parliamentary affairs V Muraleedharan chuan triple talaq bill pharh a nih thu a sawi lang a ni. Triple talaq bill hi Ningani khan Lok Sabha-ah pawm a ni a, hei bakah hian  The Insolvency and Bankruptcy Code (Amendment) Bill 2019 pawh Rajya Sabha-ah hian pharh a ni bawk ang. Companies (Amendment) Bill, 2019 pawh pharh tura tih zingah a tel a, Motor Vehicles (Amendment) Bill 2019 pawh an pharh dawn bawk.