HP-ah vur tawlhin sipai panga a chhilh

Himachal Pradesh-a Namgya biala Kinnaur hmunah Nilaini khan vur tawlhin sipai panga a chhilh a, heng sipaite chhanchhuah hna thawk tur hian Army leh paramilitary force 250 chuang tirh nghal an ni.

Vur tawlhin a chhilh sipaite hi Indo-Chian border-a Shipki La Sector-a patrol-a kalte an ni. Ramri-a hian sipai 16-te chu team pahniha insiamin an patrol a ni. Heng sipaite hi Nilaini khan vur tawlh hian a chhilh a, a tam zawk chu chhanchhuah an ni tawh a, sipai pakhat chu damdawi-in panpui a nih laiin a thi. 

Nimin zing thleng khan sipai pangate chu vur hian a la chhilh a, zawn chhunzawm mek an ni. Army thupuangtu chuan sipaite chu hmuh kim vek an nih hma chuan an zawng zel dawn tih a sawi.