South Korea-ah PM Modi a zin

Prime Minister Narendra Modi chuan ni hnih cham turin nimin zing khan South Korea a thleng. 

PM hian kum 2015 May thla khan SKorea hi a lo tlawh tawh a, tun ṭum hi SKorea President Moon Jae-in a sawmna anga zin a ni. 

SKorea pana a thlawhchhuah hmaa New Delh-a chanchinthar lakhawmtute a kawmnaah, Modi chuan India chuan SKorea chu a ṭhianṭha, a ngaihhlut tak ram a ni tih sawiin inzawmna ṭha tak an neih thu a sawi. A zin tur hian ram pahnihte inlaichinna ṭha zawk a thlen ngei a beisei thu a sawi bawk. 

Narendra Modi hian SKorea-a a cham chhungin President Moon Jae-in nen an inkawm bakah, Seoul-a Yonsei University campus-a Mahatma Gandhi lim siam a hawng dawn a, SKorea-in chawimawina a pek Seoul Peace Prize pawh hlan nghal a ni. India mi awmte nen hun an hmangho dawn bawk. India-Korea Buniness Symposium-ah thu sawiin, India-Korea Startup Hub a hawng bawk ang. 

Ram pahnihte insumdawn tawnna hi dollar tluklehdingawn 21 vel a ni a, hei hi kum 2030-ah dollar tluklehdingawn 50-ah tihpun an tum a ni.