Lalu Prasad damdawi-inah lut ngun

Rashtriya Janata Dal (RJD) hotupa leh Bihar chief minister hlui Lalu Prasad Yadav chuan jail-a a tan tawh chhung; thla 19-a thla 17 zet chu damdawi-inah hun a hmang.

Lalu Prasad hi tunah hian Rajendra Institute of Medical Sciences (RIMS)-ah dahluh mek a ni a, mi 42 zetin an veng a ni. Prison Inspector General (IG) chuan RIMS director hian thla tin Prasad-a hriselna report hi a thawn ziah tih sawiin, heng report lut tawh zawng zawngah hian a hriselna a ṭha tih a la awm ngai lo tih a sawi. Report-a result ṭha lam hriat a nih veleh jail-ah kan sawn leh nghal ang, a ti.

Bihar chief minister hlui hi eiruk thubuaiah thiam loh chantir a nih vangin December 23, 2017 aṭang khan jail-ah hian dah luh a ni a, mahse a hun tam zawk hi damdawi-inah a hmang a ni.