BJP-in party MP tan training camp buatsaih dawn

BJP party parliamentary office chuan thu­chhuah siamin, National capital Delhi-ah BJP Member of Parliament (MP) zawng zawngte tan ni hnih chhung awh tur training camp neih a nih tur thu a sawi.

Ni hnih chhung training camp neih turah hian, prime minister Narendra Modi leh union home minister Amit Shah-te pawh an tel ang. He training camp buatsaih a nih chhan hi party discipline kenkawh a nih theih nana tih a ni.

Training camp programme hi Abhyas Varga tih a ni dawn a, August 3-4-ah buatsaih a ni ang. He hun­ah hian BJP working president JP Nadda pawh a tel dawn a ni.

Thawhlehni apiangin BJP-te hian parliamentary party meeting an nei ziah ṭhin a, meeting-ah hian PM Modi chuan Parliament rorelnaa kal ṭha turin MP-te a fuih. Union parliamentary affairs minister Pralhad Joshi chu attendance report siam ṭhin tur leh chu report chu tlai lamah submit ṭhin turin a ti bawk.