Karnataka sorkar tharin Tipu Jayanti lawmna titawp

Karnataka-a BS Yediyurappa kaihhruai BJP sorkar thar chuan kum zabi 18-na laia My­suru roreltu Tipu Sultan piancham kumtina lawm ṭhin chu tihtawp a nih tawh thu nimin khan a puang.

Chief minister BS Yediyurappa chuan nimin khan thupek tichhuakin Kannada and Culture Department-te chu Tipu Jayanti hmang tawh lo turin a hriattir nghal. Sorkarna an siam aṭanga ni thum hnuah he thupek hi an tichhuak nghal a, eptu lam chuan an sawisel nasa nghal hle. Karnataka chief minister hlui leh Congress leader Siddaramaiah chuan BJP chu an secular lo hle tih sawiin, a dem thu a sawi. 

Tipu Jayanti lawmna an ṭan chhan chu ram chhunga zalenna sualtu hmasa ber a nih vang tih sawiin, BJP chu secular loah a puh. Tipu Jayanti lawmna hi  kum 2015 aṭang khan hman ṭan a ni a, khatih hunlaia Congress sorkar khan kumtin November thlaa neih ṭhin turin an hmang ṭan a ni.