PM-in Maritime India Summit a hawng

Prime minister Na­ren­dra Modi chuan Thawhlehni khan Ma­ritime India Sum­mit-2021 a hawng a, India chuan maritime sector hmasawnna chu a ngai thutak hle tih a sawi.

Maritime economy tihchak chuan India hlawhtlinna nasa tak a siam dawn tih sawiin helam sector-ah hian India chu hmahruaitu a ni sa reng a ni, a ti. Sorkar chuan world class maritime infrastructure siam an tum thu a sawi tel bawk a, port sector-a investment tih­pung chungin sorkar chuan martime sector tihchangtlun zel an tum tih a sawi a ni.

Narendra Modi  chuan India ram eco­nomy hmasawnna atan maritime sector a pawimawh hle tih sawiin, global investor-te chu India ram lawngchawlh hmunah te, tuikawngah te leh lawng siamnaahte an sum invest turin a sawm. 

Sorkar chuan in­vest­ment tih theihna tur project 400 vel an ruahman tih a sawi a, chu chu US dollar tluklehdingawn 31 hu vel lai a ni, a ti. Sagarmala project hnuaiah ringawt pawh kum 2015 leh 2035 inkarah project 574, US dollar tld 82 hu vel chu kalpui tura tih a nih thu a sawi a ni.

Kum 2030-ah chuan tuikawng 23 vel hman theiha peihfel sorkarin a tum tih a sawi a,"Kan sorkar hi tunhmaa kan la hriat ngai loh anga tuikawngah in­vestment kalpuitu a ni. Tualchhung tuikawng hi a hautak loin envi­ronment tan pawh a pawi lo tih hriat a ni," a ti.

Maritime India Sum­mit-ah hian Denmark Minister of Transport, Mr Benny Englebrecht, Gujarat leh Andhra Pra­desh Chief Ministers-te bakah Union Minister  Dharmendra Pradhan leh Mansukh Mandaviya-te pawh an tel a ni.