Demonetisation vangin unemployment san phah : Manmohan Singh

Prime minister hlui leh Congress hruaitu, Dr Manmohan Singh chuan nimin khan India ramah hnathawh nei lo, unemployment rate a san thu sawiin, hei hi kum 2016-a BJP kaihhruai sorkar laipuiin ngaihtuah chiang loa pawisa a tih thih vang a nih thu a sawi. 

Rajiv Gandhi Institute of Development Studies-in nimina virtual hmanga development summit a buatsaih a hawnnaah, Dr Singh chuan India ramah unemployment rate a sang hle a, informal sector-te an mumal lo a, heng zawng zawng hi ruahmanna fel  nei loa pawisa tih thih vang a ni, a ti. State tam tak sum dinhmun a buai phah a, hei vang hian sum tam tham tak an puk a, budget-ah phurrit tak tak a siam chhoh phah ta zel a ni, a ti.