Bihar-in a thlawn vekin Covid vaccine pe dawn

Bihar chief minister Nitish Kumar chuan an state mipuite hnenah coronavirus vaccine chu a thlawn veka pek a ni dawn tih puangin, private hospital aṭang pawhin vaccine hi a thlawna pek a ni dawn tih a sawi. 

Nitish Kumar hian Thawhṭanni khan ram puma vaccine pek thawh hnihna ṭan niah vaccine hi a la ve nghal a ni. Vaccine a lak hnua chanchinthar lakhawmtute a kawmnaah, Bihar CM chuan a kaihhruai sorkarin sorkar centre bakah, vaccine lak theihna private hospital aṭanga vaccine late pawh a man a tumsak vek dawn tih a sawi. State mipuite chu hlauthawng loa vaccine la vek turin a ngen nghal bawk. 

Principal health secretary Pratyay Amrit chuan state chhunga private hospital 50 vel chu a thlawna vaccine lak theihna atan thlan a ni tih a sawi.