Delhi-a LS seat kan lak vek chuan state puitlingah kan siam ang : Kejriwal

Delhi Chief Minister Arvind Kejriwal-a chuan Lok Sabha inthlanpui lo awm turah Delhi-a Lok Sabha seat pasarih-ah an party, Aam Aadmi Party (AAP) chu an chak vek chuan kum hnih chhungin Delhi chu state puitlinga siam a tiam. 

New Delhi-a public rally a neihnaah Kejriwal-a chuan state puitling an nih chuan Delhi khawpuia chengte chu pucca house pek vek a tiam bawk. Lok Sabha inthlanpui awm turah mipuite chu prime minister tur vote loin state puitling an nih theihna turah vote zawk turin a sawm. 

Tunkar tir lam khan AAP hian Delhi khawpuia chengte chu BJP sorkarin an laka ro a rel dan dik lo hriattirin in tinah campaign an neih tur thu a lo puang tawh bawk a ni.