Jharkhand-ah Maoists helten SSB sipai pakhat an kaphlum

Jharkhand-a Dumka district-a Taldangal ram­hnuaiah Pathianni khan Maoists helte leh Sashastra Seema Bal (SSB) te an inkap a, SSB sipai pakhat chu helte hian an kaphlum tih police-te chuan an sawi.

SSB sipai dang paliin hliam an tuar bawk a, Superintendent of Police YS Ramesh chuan Maoists helte chu an zawn mek thu a sawi. Zing dar 3.30 velah inkahna hi a thleng tih sawiin, Maoists helte hian an kap hmasa tih a sawi. Hemi hnu hian sipaite hian kap let ve nghalin Maoists hel panga te chu an kap fuh tih a sawi a ni. 

Hliam tuar zinga pakhat hi Ranchi panpui a ni a, midang pathumte hi chu Dumka Sadar Hos­pital-ah hruai an ni tih police-te chuan an sawi.