Navy chief charge Karambir Singh-a'n a la

Military court chuan Vice Admiral Karambir Singh chu Navy hotu ber nihna charge lak phalsakin, Zirtawpni khan charge a la. 

Admiral Karambir Singh hian amah aia senior zawk kal kanin Navy Chief atan ruat a ni. Mahse Andaman and Nicobar Command Commander-in-Chief Admiral Bimal Verma chuan Armed Forces Tribunal (AFT) ah Navy hotu ruat a nih dan hi khingin petition a thehlut a ni. 

Admiral Verma-a lawyer Ankur Chhibber chuan sorkarin Navy chief ruat a nih danah record hrang hrangte an la enfiah duh avangin hun an dil belh a, petition ngaihtuah hun hi court chuan July 17-ah a sawn a ni, a ti. Military court-in Singh hi Navy hotu charge lak phalsak mah se, petition ngaihtuahnaa thutlukna siam dan azirin a hna hi a chhunzawm dawn leh dawn loh a hriat dawn a ni. 

Service pathum - Indian Army, Indian Air Force leh Indian Navy-a a hotu lu ber tur hi a senior dan indawta dah an ni tlangpui a, mahse hei hi dan zawm ngei ngei tur tihna erawh a ni lo. Navy hotu atan hian Vice Admiral Karambir Singh hian amah aia senior zawk Amdiral Bimal Verma hi a kal kan a ni.