Delhi hmeichhiate public bus leh metro-ah A thlawna chuan phalsak an ni dawn : Delhi CM

Delhi Chief Minister Arvind Kejriwal chuan Thawhṭanni khan Delhi hmeichhiate chu public bus leh metro-ahte a thlawna an chuan phalsak an ni dawn tih a sawi.

Public bus-a chuang ṭhin nuai 40 dawn zingah 30% chu hmeichhia an nia chhut a ni. Arvind Kejriwal chuan hemi buaipui tur official-te chu kar khat chhunga ruahmanna kimchang siam tura tih an nih thu a sawi a, thla hnih aṭanga thla thum hnuah chuan hman ṭan an tum tih a sawi. A taka kalpui a nih dan turah mipuite aṭangin thurawn an la tih a sawi bawk.

Kejriwal chuan hmeichhiate himna tura hmalakna a nih thu sawiin, hmeichhia an motor chuan man pe theite erawh chu sorkar chuan pe tura a beisei tho thu a sawi bawk.