BJP MLA-in hmeichhia kut a thlak Ngaihdam a dil dawn tih a sawi

Nationalist Congress Party member hmei-chhe pakhat chuan police hnenah complaint thehlutin Gujarat-a BJP legislator Balram Thawani chuan kut a thlak tih a sawi.

Balram Thawani hian Pathianni khan NCP hmeichhe pakhat hi  petin a hnek bawk a, heihi  kut a thlak laia a bula lo awm ve te pawhin camera-in an lo la fuh a ni. Hmeichhia hi NCP hruaitu Nitu Tejwani-i a ni tih tarlan a ni a,  Naroda BJP MLA hian kawngpuia tui harsat vanga duh lohna an lantirna, tui pipe siamṭha tura nawrh an huaihawtnaah kut a thlak a ni.

Balram Thawani-a'n kut a thlak lai hi social media-ah a darh zui bawk a, Thawani chuan kutthlak chu a tum a ni lo tih sawiin a dik lohna chu a pawm tih a sawi. Politics-ah kum 22 kalta chhung kha a inhmang tawh tih sawiin, hetiang thil hi a ti ngai lo tih a sawi a, ngaihdam a dil dawn tih a sawi bawk.