RJD MLA-ten thil man sang duh lohna lantir

Bihar-a eptu pawl Rashtriya Janata Dal (RJD) MLA-te chuan Bihar Legislative Assembly compound-ah LPG cylinder, purunsen leh nitin mamawh man sang zel avanga lungawi lohna an lantir. 

Thawhlehni khan RJD MLA-te hian purusen hmanga ṭhi siam awrh chung leh, LPG cylinder phurin Assembly hmun hi an pan a ni. MLA-te chuan central-a BJP kaihhruai sorkarin thil man a tisang chak lutuk nia puhin, mipui nawlpuite phurrit nasa tak a siamsak a ni, an ti. 

"Sorkar laipuiin thil man sang zel a thunun theih loh avangin lungawi lohna kan lantir a ni. NDA sorkar hi central leh state-ah mi retheite tana harsatna siamtu a ni," an ti. Thil man a to belh zel avangin chhungtin ten harsatna an tawk a ni tiin, fuel, domestic gas chauh pawh ni lo, choka lama mamawh thil dangte pawh nasa takin a to chho zel tih an sawi.