PM Modi-an National War Memorial a hawng

Prime Minister Narendra Modi chuan nimin tlai khan New Delhi-ah National War Memorial a hawng.

 

National War Memoral hi India Gate complex-a ram acre 40 chuanga zauah siam a ni a, India-in zalenna a hmuh aṭanga ram tana an nunna hlantu, sipaite hriatrengna niin he hmunah hian sipai matar 25,942 hming chu lung-ah ziah a ni. 

Sipai martar hming tarlante hi kum 1962-a Indo-China War, kum 1947, 1965 leh 1971-a Indo-Pakistan War, 1999-a Kargil War leh Sri Lanka-a Indian Peace Keeping Force Operation neihnaa sipai thi te an ni. 

War memorial-a structure pui ber chu chakra (circle) pali anga siam a ni a, hengte hi ‘Amar Chakra’ or Circle of Immortality,  ‘Veerta Chakra’ or Circle of Bravery, ‘Tyag Chakra’ or Circle of Sacrifice, leh  the ‘Rakshak Chakra’ or Circle of Protection tih an ni. 

Tyag chakra-ah hian granite brick hmangin bang 16 siam a ni a, brick tinah hian sipai martarte hming, an ID, regiment leh rank-te ziahlan a ni. Amar chakra-ah hian lungphun, meter 15.5-a sang phun a ni bawk a, hei hi complex luh tirh aṭangin a lang thei nghal a ni.

National War Memorial hi a tlawh man lak a ni dawn  lo a, nipui laiin zing dar 9 aṭanga zan 7:30 thleng leh, thlasik laiin zing dar 9 aṭanga zan dar 6:30 thleng thlawh theiha hawn a ni ang. 

National War Memorial siamna tur hian cheng vaibelchhe 171 project siam a ni a, a design hi competition buatsaih hmanga thlan a ni. War memorial siamna tur atan hian thingkung 22 kih a ni a, mahse a hnuah ṭhingṭiak 715 phun leh nghal a ni.