Party hruaituten IAF lawmpui

IAF-ten hlawhtling taka Pakistan firfiak camp an beih chungchangah political party hrang hrang hruaitute chuan zahna leh lawmpuina an hlan. 

Congress president Rahul Gandhi chuan a twitter-ah IAF pilot-te fakawm a tih thu leh zahna a hlan tih sawiin, India mipuite himna tura Indian Air Force-te inpekna chu zahna an hlan tih a sawi. 

Delhi Chief Minister leh AAP convener Arvind Kejriwal-a pawhin IAF pilot huaisen tak takte, Pakistan firfiak camp beitute chu an chhuangin zahna a hlan tih a sawi bawk. 

Jammu and Kashmir CM hlui Omar Abdullah, Maharashtra Chief Minister Devendra Fadnavis, West Bengal Chief Minister Mamata Banerjee, Punjab Chief Minister bakah union minister hrang hrang leh eptu hruaitu dangte pawhin IAF sipaite an chhuan thu leh zahna an hlan thu an tarlang.