Fighter jet Mirage 2000

Indian Air Force ten Pakistan occupied Kashmir (PoK) a firfiak camp beihna atana an hman, single-seater fighter jet Mirage 2000 hi chhun leh zanah pawh hman theih a ni a, retractable tricycle type landing gear a thuam niin, a main gear-ah nosewheel pahnih leh single wheel a nei. Aircrarft mei(tail) hi runway tailhook-a leng thei tur niin, aircraft flight control system hi fly-by-wire a ni. 

Mirage-2000 hian DEFA 554 autocannon 30 mm revolver-type cannon leh a mu 125 ve ve a phur a, heng cannon-te hian minute khatah round 1,300 - 1,800 an kap thei. 

Hmun hla tak aṭanga a target chhui leh fuh theihna turin Mirage-2000 hi Thales RDY 2 radar in thuam a ni bawk. He radar hian Doppler beam-sharpening technique hmangin leia a target awmna lai tak a chhui thei bawk a, hei hi nimin zinga fighter jet-in LoC kaltlanga firfiak camp awmna lai tak a kahfuh theihna chhan pakhat a ni.

Mirage -2000 hian air-to-surface missile bakah laser-guided bomb-te pawh a phur thei bawk.  Heng te hi  MBDA BGL 1000 laser-guided bomb, MBDA AS30L, MBDA Armat anti-radar missile, MBDA AM39 Exocet anti-ship missile, MBDA rocket launchers, MBDA Apache stand-off weapon, leh stealthy cruise missile, SCALP-te an ni. 

Nimin zinga Pakistan firfiak camp beihna atana hman Mirage-2000 hian kum 1971 hnua Pakistan van boruak a luh vawi khatna a ni. He fighter jet hi kum 1970 chhoa Dassault Aviation design a ni a, Pakistan-in US aṭanga F-16 fighter jet lei chhan letna atana India-in a lei a ni. Kum 1985 khan IAF-te hman turin pasarih pek a ni. IAF fleet zingah rintlak ber niin Kargil War lai pawh khan hman a lo ni tawh bawk.