NDA sorkarah Bank fraud Case a pung: Congress

Congress party chuan Bharatiya Janata Party (BJP) kaihhruai NDA sorkar term hmasaah khan Bank fraud case a pung nasa hle tih an tarlang a, hemi veng tur hian Narendra Modi-a kaihhruai sorkar chu hma la turin an phut tih an sawi bawk. 

Congress hian nimin khan thuchhuah an siam a, NDA sorkar chu bank hmanga inbumna titawp tura hma la turin an phut tih an tarlang a ni. Congress leader Randeep Singh Surjewala chuan Prime Minister Narendra Modi-a kaihhruai sorkar chu banking system enfiah turin an phut tih a sawi a, NDA term hmasaah khan sum tam tak a luangral a ni, a ti. 

Surjewala hian Nirav Modi leh Mehul Choksi-te chuan cheng vaibelchhe nuai khat vel an khawihchingpen tih a sawi bawk a, RBI data (2018-19) chuan bank fraud vaibelchhe 71,500 zet a awm tih a tarlan thu a sawi bawk.