JD(S) Karnataka chief Vishwanath-a'n party-a a nihna a bansan

Karnataka-a Janata Dal (Secular) president Adagur H Vishwanath chuan nimin khan party-a a nihna chu a bansan tih a puang a, Lok Sabha inthlana an chet chhiat vang a nih thu a sawi bawk.

Vishwanath hian an party chetchhiat chhanah mawhphurtuah a inngaih thu sawiin, nimina press conference an neihah a ban thu hi a puang a ni. JD(S) in candidate list an siamah Vishwanath hi rawn a ni ve lo nia sawi a ni a, a lawm lo hle nia sawi a awm bawk. 

Vishwanath hian Karnataka-a JD(S) - Congress ṭangrual sorkara Congress hruaitu leh CM hlui Siddaramaiah-a coordination committee chief atana ruat a nih chungchangah pawh a lawm lo tih a sawi a, ṭangrual sorkarah chuan mak tak maiin party pahnih president-te telh an ni ve lo tih press conference-ah pawh hian a sawi.

Lok Sabha inthlanah khan JD(S) hi an che chhe hle a, an party chief HD Devegowda pawh Tumkur-ah a chak zo lo a ni.