Maha Cong hruaitu pahnihin Party an chhuahsan

Maharashtra-a Congress hruaitu hlun Radhakrishna Vikhe Patil leh Abdul Sattar-te chuan nimin khan Congress party an chhuahsan a, Bha­ratiya Janata Party (BJP) an zawm dawn nia sawi a ni.

Radhakrishna Vikhe Patil hi thla hmasa khan opposition leader a nihna aṭangin a lo bang tawh bawk a, a fapa Sujoy Vikhe Patil chu Lok Sabha inthlan neih zawh takah khan BJP ticket-in Ahmednagar-ah a ding a, hnehna a chang zui bawk.

Patil hian nimin khan MLA-a nihna aṭanga banna hi speaker Haribhau Bagade hnenah a thehlut a, BJP a zawm dawn nia sawi ni mah se amah hian hemi chungchangah hian thuchhuah a la siam lo thung. Sillod bialtu MLA ṭum thum lai lo ni tawh leh MoS hlui ni bawk Abdul Sattar pawhin banna a thehlut ve bawk a, BJP a zawm dawn tih a sawi. Abdul Sattar hi Maharashtra Congress party pre­sident Ashok Chavan ṭhian hnaivai tak a ni.

Hetihlai hian senior BJP minister Girish Bapat pawhin Pune Constituency MP atana thlan tlin a nih avangin MLA a nihna aṭanga banna nimin khan a thehlut ve bawk.