Modi-a'n high-power panel pahnih a din

Prime Minister Narendra Modi chuan ram sum leh pai dinhmun thlithlaitu tur leh hna hrang hrang viltu tur, High-Powered Ministerial Panel pahnih din a nih thu a puang. 

Nimin khan Modi-a kaihhruaiin Cabinet Committee an ṭhu khawm a, sorkar mi pawimawh tak tak an tel. Member panga awmna Cabinet Committee on Investment and Growth-ah hian - Home Minister Amit Shah, Minister of Road Transport & Highway Nitin Gadkari, Finance Minister Nir­mala Sitharaman leh Railway and Commerce Minister Piyush Goyal-te chu member an ni a, an hma­lakna hian ngaihven a hlawh hle. 

Hetih lai hian Cabinet Commi­ttee pakhatah hian member 10 an awm a, employment and skill development chungchang an thlur bing dawn a ni. Member zingah hian - Amit Shah, Sitharaman leh Piyush Goyal-te pawh an tel a, Rural Development and Panchayat Raj minister Narendra Singh Tomar, HRD minister Ramesh Pokhriyal Nishank, Petroleum and Steel Minister Dharmendra Pradhan, Skill and Entrepreneurship Minister Mahendra Nath Pandey, Ministers of State Santosh Kumar Gangwar leh Hardeep Singh Puri-te chu member an ni bawk.