J&K: Pulwama-ah helin hmeichhe pakhat kaphlum
Jammu and Kashmir-a Pulwama district-ah nimin khan helten silai an hmetpuak a, hmeichhe pakhat a thi a, midang pakhatin hliam na tak a tuar bawk.
Helten an kahhlum hi Nigeena Bano-i a ni a, hliam tuar hi Jalal-ud-din Bafanda a ni. Bano-i pasal hi kum 2017 khan hel kutah a lo thi tawh bawk a ni. Bafanda pawh hi a dihmun a ngaihtuahawm hle a, dawmdawi-inah dahluh nghal a ni.
Bano-i pawh hi damdawi-in panpui a ni a, mahse a hliam tuar loin a thi zui ta a ni. Police-te chuan thilthlen dan hi an chhui zui nghal.
Security Force-te chuan tun hnai thla nga kal ta chhung khan hel leh firfiak 101 zet an that tih an sawi a, heng hel leh firfiakte hi Jammu and Kashmir-a Pulwama, Shopian, Kulgam leh Anantnag district-ah vek thah an ni.