Andhra Pradesh CM-in Dy. CM panga ruat dawn

Andhra Pradesh chief minister leh YSR Congress president ni bawk Y S Jaganmohan Reddy chuan Deputy Chief Minister panga a ruat dawn tih a puang.

CM Y S Jaganmohan Reddy chuan state assem­bly inthlana chiang taka an chak hnuah, state chhunga society section zawng zawngte tana lawm­na thlen a duh avangin Dy. CM panga ruat an ni dawn tih a sawi. 

Zirtawpnia YSRCP head­quarters-a YSRCP Legislative Party meeting-ah he thu hi sawiin, an state cabinet-ah minister 25 an awm dawn tih a puang bawk. Cabinet minister tharte lakluhna inkhawm hi vawiin hian neih a ni ang.

AP hian Dy. CM panga an nei tak tak a nih chuan ram chhunga Dy. CM panga nei an awm ṭum khatna tur a ni ang.

YSR Congress hruaitu pakhat chuan state chunga section leh caste zawng zawng­ten Jagan-a chunga rinna an nghah avangin CM chuan caste leh community zawng zawng aiawh telna cabinet din a tum tih a sawi. Jagan pawhin MLA thlan tharte hnenah chuan Dy. CM pa­ngate chuan Scheduled Castes, Scheduled Tribes, BC, mino­rity leh Kapu community-te ai an awh dawn tih a sawi ve bawk.