BJP-in ram hmangaih zirtirna school lian berah RSS ngai

BJP chuan Rashtriya Swayamsevak Sangh (RSS) chu ram hmangaih zirtirna school lian berah a ngai tih a sawi a, Congress hruaitu Rahul Gandhi chu rSS leh Pakistan-a Islam pawl nena tehkhin avangin na takin an sawisel zui. 

Information and broadcasting minister Prakash Javadekar chuan press conference a neihah, Congress hruaitu Rahul chuan RSS leh a thawhpui pawl dangte nihna dik tak hrethiam tur chuan hun rei tak a mamawh ang, a ti. "RSS hi mipuiah a thla zawnga nghawng nei tur leh, ram hmangaihna thinlung pu turin a thawk a ni," a ti. 

Rahul Gandhi hian Cornel University, US-a professor leh India chief economic advisor hlui, Kaushik Basu nena an inkawmnaah, RSS chuan a school dinte chu Pakistan-a Islamist kalfawrten an madrassa an tih ang maiin, an ngaihdan leh duhdan ang chauhah thil thlir tura zirtirna atan an  hmang niin a lo sawi a ni.