BJP-in hruaitu thar thlang dawn

BJP president Amit Shah chuan June 13-14 hian State leh Union Territory hrang hranga an party hruaitute meeting a neihpui dawn a, party hruaitu tur thlanna an nei dawn a ni.

Amit Shah hi term thum BJP President a ni tawh a, kumin kumtir khan a term hi a zo tawh a, mahse party inthlan hun hi tihkhawtlai a nih avangin party hruaitute chuan president dinhmun hi la luah rih turin an ngen a ni.

Amit Shah hi Union Minis­ter zingah a tel tawh avangin party president a nih a rinawm tawh lo a, hemi chungchangah hian BJP chuan official-in thuchhuah an la siam lo thung. 

Party president thar tur thlan a nih hma hian BJP chuan membership drive an nei dawn tih sawi a awm bawk.

Union minister hlui Jai Prakash Nadda chu Amit Shah thlaktu tur zinga rinkai a ni a, mahse Shah pawh hi president a nih chhunzawm mai thei nia sawi a awm bawk.