PM-in Janaushadhi Kendra 7,500-na hawng

Prime minister Narendra Modi chuan nimin khan video conferencing hmangin NEIGRIHMS, Shillong-a  Janaushadhi Kendra 7,500-na a hawng. 

Pradhan Mantri Bhartiya Janaushadhi Pariyojana scheme hi mipuiten damdawi ṭha leh rintlak man tlawm zawka an lei theihna tura kalpui a ni. He scheme kalpui a nih ṭan kum, kum 2014 khan ram chhunga centre hi 86 siam  niin, tunah chuan 7,500 a awm ta a ni.  Janaushadhi Kendra hi ram chhunga district tinah a awm tawh a ni. 

Janaushadhi Kendra-a damdawi zawrhte hi market rate aiin 50-90% ten an tlawm zawk a, kum 2020-21 (March 4, 2021 thleng)-a damdawi  hralhna aṭanga sum hmuh hi cheng vaibelchhe 3,600 a tling. Ram mipuiten Janaushadhi scheme hi chiang zawka an hriat theihna turin March 1-March 7 inkar hi 'Janaushadhi Week' atan hman a ni.