AN-32 chetsual chhan chhui dawn

Indian Air Force chuan Arunachal Pradesh-a chesual AN-32 aircraft chetsual dan chhui turin Court of Inquiry a din a, anni hian he aircraft chetsual dan kim chang hi an chhui chiang dawn a ni. 

IAF AN-32 hi kar liam ta Thawhṭanni, June 3 khan Assam-a Jorhat aṭanga a thlawkchhuak chu Arunachal Pradesh chinah biak pawh theih lohin a awm a, ni riat zet an zawn hnuah Thawhlehni khan a chetsualna hmun hi an hmu chauh a ni.

AN-32 chesualah hian damchhuak an awm lo a, he thlawhtheihnaa chuang mi 13-te chu an thi vek a ni. Thlawhtheihna chesuala thite ruang hi nimin khan Jorhat panpui tura tih a ni a, he thu buatsaih lai hian thuchiang hriat hman a ni lo.