SC-in doctor-te himna chung-chang a ngaihtuah dawn

Supreme Court chuan vawiin hian ramchhung hmun hrang hranga sorkar hospital-a doctor-te himna chungchang ngaihtuah tura ngenna chu a ngaihtuah dawn. 

Petition hi advocate Alakh Alok Srivastava thehluh a ni a, Justice Deepak Gupta leh Surya Kant-te awmna vacation bench chuan vawiina ngaihtuah a remti a ni. He ngenna hi West Bengal-a damdawi-ina thi chhungte thinrimin doctor kut an thlak vanga ramchhung hmun hrang hranga doctor-ten nawrh an huaihawt avanga thehluh a ni. Petition thehluhah hian sorkar laipui leh West Bengal sorkar chu sorkar hospital-ahte doctor-te himna tura sorkar ruat, security mi leh sa dah vek tura ngenna te a tel. Ramchhung hmun hrang hranga doctor-te nawrh huaihawt chuan healthcare service a nghawng buai a, damlo eng emaw zat chu enkawltu doctor awm loh vangin an thih phah hial tih a sawi.